గోరాజకీయం

తేది: May 28, 2017 వర్గం: వర్గీకరింపబడనివి రచన: చరసాల 365 views

అమెరికాలో ఓటు వేయాలంటే ఖచ్చితంగా గుర్తింపు కార్డు ఏమీ చూపించక్కరలేదు. దీన్ని సాకుగా తీసుకొని చాలా రిపబ్లికన్ రాష్ట్రాలు ఓటర్ ఐడి చట్టాలు తీసుకుని వచ్చాయి. చట్ట వ్యతిరేకంగా ఈదేశంలో వుంటున్న వాళ్ళు కూడా ఎన్నికల్లో ఓటు వేస్తున్నారనేది రిపబ్లికన్ల వాదన. కానీ దీనికి ఆధారాలు లేవు. లీగ స్టేటస్ లేని వాళ్ళు చాలా మట్టుకు అనామకంగా వుండటానికే యిష్టపడతారు. చివరికి ప్రాణాలు నెత్తిమీదికి వచ్చినపుడూ హాస్పిటల్‌కు వెళ్ళడానికి యిష్టపడరు. తమకు ఓటు హక్కు లేకున్నా తము ఓటు వేసినట్టు ఎలాంటి ఆధారాలూ రిపబ్లికన్లు చూపరు. కానీ ఇలా జరుగుతుంది అనే వంకతో ఓటు వేయడానికి సవాలక్ష ఆంక్షలు విధించాలంటారు. ఈ అభిమతం వెనుకాల అసలు కారణం నల్లవారిని, మెక్సికన్లని ఎన్నికలకు దూరంగా వుంచడం.

భాజపా భారతీయ రిపబ్లికన్ పార్టీ అని చెప్పొచ్చు. వాళ్ళకంటే ఇంకా రెండాకులు ఎక్కువే! జంతు సంరక్షణ, క్రూరత్వాన్ని నిరోధించడం పేరుతో కేంద్రం తెచ్చిన ఈ చట్టం ఓ పెద్ద పరిహాసం. దీని వెనుకాల వున్నది హిందుత్వను అమలుచేయడమే అని డంకా భజాయించి చెప్పవచ్చు. ఓ ప్రాణిని చంపడం మాత్రమే హింస అవుతుందా? హింస అని ప్రాణులని వధించడం మానేయాలనుకుంటే అది అత్యున్నతమైన విధానమే! కానీ ప్రభుత్వం ఆపని చేయగలదా? కొడిపందాలనూ, జల్లికట్టునే నిషేదించలేని ప్రభుత్వం అన్ని రకాల మాంసాహారాన్ని నిషేధించగలదా? కానీ పెద్దల అభిమతం వేరు. వాళ్లకు కావలిసింది జంతు హింస నిషేధం కాదు. గొడ్డు మాంసం తినేవారిని టార్గెట్ చేయడమే! అందులోనూ ముస్లిములను ప్రత్యేకంగా టార్గెట్ చేయడమే.

మొదట గోమాంసం తినేది ఒక ముస్లిములే అనే భావన దేశమంతా కల్పించారు. గోవు హిందువులకు పవిత్రమనే భావననూ మెదళ్ళలో చొప్పించారు. ఎప్పట్నుంచో వూరు బయట మీస్థానం అని చెప్పిన దళితులకు ఆహారం గొడ్డు మాంసమే! వాళ్ళు హిందువులో కాదో వీళ్ళే చెప్పాలి. జంతు హింస పేరు చెప్పి ఇప్పుడు విధించిన ఈ విధి నిషేధాలు పూర్తిగా ఆహార హక్కును నిరాకరించడమే! దీన్ని కోర్టులు రాజ్యాంగవ్యతిరేకంగా నిర్ణయించడానికి అన్ని ఆధారాలూ వున్నాయి. కానీ కోర్టులకు అంత దమ్ముందా?

ముస్లిములను దేశంలోకి రానివ్వకుండా చేస్తానని ఎన్నికలకు ముందు చెప్పిన పాపానికి అమెరికా అధ్యక్షుడు ఎన్ని వేషాలు వేసినా కొన్ని దేశాల పౌరులకు అమెరికా ప్రవేశనిషేధ చట్టాన్ని తీసుకురాలేక పోయాడు. కోర్టులు ఆ చట్టం వెనుకాల వున్న వుద్దేశాన్ని అనుమానించడం వల్ల అధ్యక్షుడి ఆటలు సాగలేదు. ఇదే సూత్రం భారత దేశంలో ఎందుకు వర్తించదు?

జంతు హింసను నిషేధించడమే ప్రధానమైతే ఎక్కడ ఎలా హింస జరుగుతున్నదో చూడాలి. కోళ్ళను పదింటికి పైగా కాళ్ళను గుత్తులుగా కట్టి సైకిలుకు అటూ ఇటూ వేలాడదీసి తీసుకెళుతూ వుంటారు. ఇది కాదా హింస?
ఆవులనూ, గేదెలనూ పది పట్టే లారీలో యిరవైంటిని కుక్కి రవాణా చేస్తారు. ఇంకా క్రూరం ఏమిటంటే స్థలం సరిపోనప్పుడు వాటి కాళ్ళు విరగ్గొడతారట! (ఎంతవరకూ నిజమో తెలియదు) ఇది కాదా హింస?
గంగమ్మ జాతర మొదలైన చోట్ల ఇచ్చే జంతుబలికి ముందు జరిగే తంతు అత్యంత క్రూరమైనది. జంతువు మెడచుట్టూ పూలదండలు వేసి, కుంకుమ బొట్లు పెట్టి విపరీతమైన డప్పుల చప్పుడుతో మంది మధ్య ఈడుస్తూ … ఇది కాదా హింస?
కనుమ పండగొచ్చిందంటే ఆ తెల్లవారుఝామునే వూరిబయట నుండి భయంకరమైన పంది అరుపులు వినిపించేవి. ఆడవాళ్ళు యింట్లో పందికూరకు కావల్సిన మసాలాలు సిద్దం చేసుకుంటూనే అంత క్రూరంగా పందిని చంపుతున్న మగవారిని తిట్టుకునేవారు. నాకు తెలిసింది ఏంటంటే పందిని గొతుకోసి చంపరట! గునపాలతో కొట్టి చంపుతారట! .. ఇది కాదా హింస!
ఇప్పుడంటే ఎద్దులతో వ్యవసాయం తగ్గిపోయింది కానీ..జరుగుతున్న చోట చూడండి. దాపటెద్దు కుడి ముడ్డి, వలపటెద్దు ఎడమ ముడ్డి ములుగర్రతో చేసిన గాయాలకు చర్మం
అట్ట గట్టి వుంటుంది. ఒక్కోసారి నాగలో, బండో ఈడ్వలేక పడుకొన్న బక్క ఎద్దు తోక విరవడమూ కొత్త విషయం కాదు. ..ఇది కాదా హింస?
బండ్ల పోటీలు, రాతి దూలం ఈడ్వటంలో పోటీలు, కోడి పందాలు, జల్లికట్లూ .. ఇవి కాదా నిర్మూలించాల్సిందీ నిషేదించాల్సిందీ?

జల్లికట్టును సుప్రీంకోర్టు నిషేధిస్తే దాన్ని అమలుపర్చలేని కేంద్రం, కోడిపందాలను నిషేధిస్తే అమలుపరచలేని ప్రభుత్వాలు.. ఇప్పుడీ నియమాలనీ, నిషేధాలనీ అమలుపరచగలవా? చేయలేవు. కానీ గోగూండాలకు ఇవి కోరలని తొడుగుతాయి. ఆవు ఫార్ములాని దేశమంతా అమలు జరిపే కుట్ర యిది.

ఈ-మెయిల్ చెయ్యండి ఈ-మెయిల్ చెయ్యండి ముద్రించు ముద్రించు
1 Star2 Stars3 Stars4 Stars5 Stars (1 ఓట్లు, సగటు: 5 కు 5.00)
Loading ... Loading ...

'గోరాజకీయం' పై 2 అభిప్రాయాలు

'గోరాజకీయం'పై అభిప్రాయాల RSS మరియు TrackBack.

  1. Viswam అభిప్రాయం,

    తేది: May 31, 2017 సమయము: 3:25 am

    ఇది కాదా హింస! ఇది కాదా హింస! అని అడగడం బాగుంది (YSJagan అడుగుతున్నా అన్నట్లు).. కాని అన్నిటికన్న పెద్ద హింసని నిశేదిస్తే బాద పడటం ఇంకా బాగుంది..

  2. చరసాల అభిప్రాయం,

    తేది: July 6, 2017 సమయము: 2:41 pm

    పెద్దదైతే తప్పకుండా నిషేదించాలి. అదేమిటో మీరి చెప్పనేలేదు.

మీ అభిప్రాయం తెలియచేయండి

(కీబోర్డు మ్యాపింగ్ చూపించండి తొలగించండి)


a

aa

i

ee

u

oo

R

Ru

~l

~lu

e

E

ai

o

O

au
అం
M
అః
@H
అఁ
@M

@2

k

kh

g

gh

~m

ch

Ch

j

jh

~n

T

Th

D

Dh

N

t

th

d

dh

n

p

ph

b

bh

m

y

r

l

v
 

S

sh

s
   
h

L
క్ష
ksh

~r
 

తెలుగులో వ్యాఖ్యలు రాయగలిగే సౌకర్యం ఈమాట సౌజన్యంతో