క్రూరత్వానికి తండ్రి అహంకారం

తేది: January 4, 2013 వర్గం: వర్తమానం రచన: చరసాల 1,952 views

ఎంతోమందిలా నేనూ కన్నీళ్ళు కార్చాను. నిద్రలేని రాత్రులు గడిపాను. అయితే నా బాధ అంతా అత్యాచారం గురించి కాక, తమకేమీ శతృవు కానీ, ఓ అపరిచిత వ్యక్తిపై అంత పాశవిక, క్రూరమైన భౌతిక దాడికి ప్రేరేపించిన అంశమేమయ్యుంటుందీ అని. చాలా మందికి ఇందులోని మానభంగం అనే ఓ అంశమే పెద్ద నేరంగా కనబడుతున్నట్లుంది. అందువల్ల చర్చ అంతా అమ్మాయిల దేహప్రదర్షణ గురించీ, సినిమాల్లో, అంతర్జాలంలో వున్న కామోద్దీప ప్రదర్షణల గురించీ మాట్లాడుతున్నారు. ఆ ఆరుగురి చర్యా కేవలం వారి కామన్ని చల్లార్చుకొనేందుకే అయితే అంత క్రూరత్వం అవసరమేలేదు. పోనీ ఆ అమ్మాయి వారి శత్రువర్గానికి చెందిందో లేదా అంతకుమునుపు వారు ఆమె చేతిలో అవమానపడటం జరగడమో అయితే వారి క్రూరత్వాన్ని ఆ కోణంలోనుండీ అయినా అర్థం చేసుకోవడానికి ప్రయత్నించొచ్చు. కానీ ఆమె ఆ గంట ముందు వరకూ వాళ్ళకేమీ కాదు. అలాంటి ఓ అపరిచిత మీద కేవలం సినిమాలను చూసో, అంగాంగ ప్రదర్షణలు చూసో కామోద్దీపం కలిగివుంటే వారి చర్య అంతవరకే పరిమితం కావాలి. కానీ వారి క్రూరత్వం మాటలకందనిది. అంత క్రూరంగా వాళ్ళు ప్రవర్తించడానికి వాళ్ళని ప్రేరేపించినదేమిటి అనేది ఆరోజునుండీ నాలో రగులుతున్న ప్రశ్న.

దీనికి నాకు తోచిన సమాధానము “పురషహంకారము”. ఆమె తీవ్ర ప్రతిఘటన వారిలోని అంహంకారాన్ని సవాల్ చేసింది. ఆడది అబల అనీ, భోగ వస్తువు అనీ, ఆడదాన్ని పొందలేకపోవడం మగతనానికి మచ్చ అనీ నరనరాల్లో పాతుకుపోయిన అంహంకారాన్ని ఆమె సవాల్ చేసింది. ఆరుగురి “మగాళ్ళ” అధిపత్యంతో ఆమె ఒంటరి పోరాటం చేసింది. ఆమె గెలుపుని ఓర్వలేక, అంగీకరించలేక, భరించలేని వాళ్ళు ఆమెని వూహించలేని హింసలతో బాధించారు.

నేరస్తులకు మరణదండన వేయమనడాలూ, నపుంసకులని చేయమనడాలు, అమ్మాయిల వస్త్రధారణ, సినిమాలు కారణమనడాలు సమస్యలో కేవలం ఓ చిన్న అంశాన్ని మాత్రమే స్పృషిస్తున్నట్లుంది.

సమస్యకు అసలు మూలం స్త్రీని సమానంగా చూడలేకపోవడంలోనే వుంది. బాల్యం నుండీ ఆ మాటకొస్తే గర్భంలో వుండగానే ఆడపిల్ల మీద వివక్ష మొదలవుతోంది. స్త్రీకంటే నేను గొప్ప అనే అహంకారాన్ని మగాడు ఎప్పుడు తొలగించుకుంటాడో అప్పుడే మానభంగాలు తగ్గినా తగ్గకపోయినా కనీసం ఆడవాళ్ళ పట్ల భౌతిక హింస తగ్గుతుంది.

ఈ-మెయిల్ చెయ్యండి ఈ-మెయిల్ చెయ్యండి ముద్రించు ముద్రించు
1 Star2 Stars3 Stars4 Stars5 Stars (3 ఓట్లు, సగటు: 5 కు 5.00)
Loading ... Loading ...

'క్రూరత్వానికి తండ్రి అహంకారం' పై 2 అభిప్రాయాలు

'క్రూరత్వానికి తండ్రి అహంకారం'పై అభిప్రాయాల RSS మరియు TrackBack.

  1. తాడేపల్లి అభిప్రాయం,

    తేది: January 24, 2013 సమయము: 12:10 am

    ఈ టపా శీర్షిక అర్థం కాలేదు. తండ్రికీ, మానభంగాలకీ సంబంధం…. అది కూడా అర్థం కాలేదు. అయితే మానభంగాల టాపిక్కుతో సంబంధం లేని ఒక వాస్తవం, అనుభవసారం – అహంకారం లేని, చూపించని మగవాళ్ళు ఆడవాళ్ళకి నచ్చరు.

  2. చరసాల అభిప్రాయం,

    తేది: January 29, 2013 సమయము: 12:50 pm

    ఇన్నిరోజులూ తాడేపల్లి గారి వాఖ్య చూడలేదు. ఇప్పుడు దీనికి విలువా లేదు.

మీ అభిప్రాయం తెలియచేయండి

(కీబోర్డు మ్యాపింగ్ చూపించండి తొలగించండి)


a

aa

i

ee

u

oo

R

Ru

~l

~lu

e

E

ai

o

O

au
అం
M
అః
@H
అఁ
@M

@2

k

kh

g

gh

~m

ch

Ch

j

jh

~n

T

Th

D

Dh

N

t

th

d

dh

n

p

ph

b

bh

m

y

r

l

v
 

S

sh

s
   
h

L
క్ష
ksh

~r
 

తెలుగులో వ్యాఖ్యలు రాయగలిగే సౌకర్యం ఈమాట సౌజన్యంతో