Warning: Cannot modify header information - headers already sent by (output started at /home/content/22/11733922/html/blog/index.php:2) in /home/content/22/11733922/html/blog/wp-content/plugins/bad-behavior/bad-behavior/screener.inc.php on line 8
అంతరంగం » మన దారెటు » Print

- అంతరంగం - http://www.charasala.com/blog -

మన దారెటు

Posted By చరసాల On May 24, 2007 @ 10:26 am In నా ఏడుపు, వర్తమానం | 4 Comments

మొన్న చంద్ర మోహన్ అన్న చిత్రకళను అభ్యసిస్తున్న తెలుగు విధ్యార్థిని గుజరాత్‌లో అరెస్టు చేసి నాలుగు రోజులు జైలులో పెట్టారట! కారణం అతను ఎవర్నో కొట్టాడనో, రాగింగ్ చేసి వేధించాడనో, ప్రభుత్వ వ్యతిరేక కార్యకలాపాలు చేశాడనో కాదు. అతను వేసిన చిత్రాలు హిందూ చాందసవాదులకు నచ్చక పోవడం వల్ల.

అప్పుడొకసారి హుస్సేను గారు సరస్వతీ దేవిని అసభ్యంగా గీశారని ఆయన బొమ్మలన్నీ తగులబెట్టి నానా రాద్దాంతం చేశారు.

ఎవ్వరూ వాలైంటైన్స్ రోజు జరుపుకోవద్దని ఓ సేనాధిపతి ఫత్వా జారి చేశారు.

ఇప్పుడేమొ ఓ విద్యార్థి గీసిన చిత్రాలు అభ్యంతరకరంగా వున్నాయంటూ అరెస్టు చేశారు. ఆ విధ్యార్థిని సమర్థించారంటూ డీన్‌ను సస్పెండు చేశారు.

రామాయణ భారతాలతో సహా ఏ గ్రంధమూ స్త్రీని వివస్త్రను చేసి అంగాంగ వర్ణన చేయకుండా వదిలిపెట్టలేదు. దేవాలయ గోపురాల మీదే నగ్న శిల్పాలు పెట్టుకొని ఆనందించిన వారసత్వం మనది. కామానికి ఒక శాస్త్రం మొట్టమొదట పుట్టింది ఇక్కడే నంటారు.

ఇలాంటి పవిత్ర భారత దేశంలో ప్రపంచానికి కామశాస్త్రాన్ని అందించిన వాత్సాయనుడు పుట్టిన దేశంలో ఎందుకనో అదే సంస్కృతికి వారసులమని, కాపాడే సంరక్షకులమనీ చెప్పుకునే దాదాలు అదే కళా సంస్కృతిని నడిరోడ్డుపై తగలేస్తున్నారు. కళను కళగా చూడక మామూలు బూతును చూస్తున్నారు.

–ప్రసాద్
 


Article printed from అంతరంగం: http://www.charasala.com/blog

URL to article: http://www.charasala.com/blog/?p=169