తెలంగానం

తేది:December 8, 2006 వర్గం:వర్తమానం రచన:charasala 990 views

కెసీఆర్ గెలుపు చూస్తూంటే మంచికో చెడ్డకో ప్రత్యేక తెలంగాణాకు ప్రజల మద్దతు పుష్కలంగా వుందని తెలుస్తోంది. అయితే ఒక్క కరీంనగరే చూసి ఒక అభిప్రాయానికి రాకూడదనుకున్నా మొత్తం మీద సానుకూలాభిప్రాయమే వుందనిపిస్తోంది.
తెలుగోళ్ళ మధ్య తెలంగాణ పోరాటం కారణంగా విభేదాలు తారస్థాయికి పోక ముందే సహృదయంతో విడిపోయి తర్వాత కూడా రెండు రాష్ట్రాలూ వుమ్మడిగా తెలుగు భాషా సంస్కృతిలను అభివృద్ది చేస్తూ పార్లమెంటు లాంటి వ్యవస్థల్లో వుమ్మడి స్వరాన్ని వినిపించగలిగితే అదే మంచిది.
తెలంగాణా రానంత వరకూ ఈ రాజకీయులు వాళ్ళమీద ఆ రాజకీయులు వీళ్ళ మీద వేసే అభాండాలు పెరిగి పోయి చివరకు రెండు ప్రాంతాల ప్రజల మద్య పూడ్చలేని అగాధం ఏర్పడక ముందే వేరు కుంపటి పెట్టుకొని ఒకరిని ఒకరు గౌరవించుకుంటూ అన్నదమ్ముల్లా మెలగడమే వుచితమనిపిస్తోంది. లేదంటే ఆ మధ్య ఓ కనక దుర్గ ఓ పత్రికలో రాసిన వ్యాసంలోలా చచ్చుపుచ్చు వాదాలు బయలుదేరి అసలు తెలంగాణ్యులూ, ఆంద్రులూ ప్రత్యేక జాతులనే అతిపోకడ సిద్దాంతాలు పుట్టి మనసులు మరింత దూరం కాకముందే వేరుపడటమే మంచిది.

–ప్రసాద్

“మీ లే” ఊచకోత

తేది:December 6, 2006 వర్గం:చరిత్ర రచన:charasala 2,014 views

 ప్రశాంతి పంపిన “ఒక దళారి పశ్చాత్తాపము” పుస్తకం చదువుతూ అందులో వివరించబడిన అమెరికా కుట్రల గురించి మరింత వివరంగా చదువుదామని వికీ పేజీలు తిరగేయడం మొదలెట్టాను. ఒక లంకెను పట్టుకొని మరో లంకెకు అలా గెంతుతూ గెతుంతూ వుంటే నాకు ఈ దురంతాలు కన్నీళ్ళు తెప్పించాయి. నేను చదివిన ఇలాంటి అన్ని దుర్మార్గాలలోకి ఇది విభిన్నమైంది.
ఉత్తర వియత్నాం గొరిల్లాలతో పోరాటం చేస్తూ వాళ్ళు దాక్కున్నారనే సాకుతో ఉదయాన్నే గ్రామాలమీద పడి చిన్నా పెద్దా అనే తేడా లేకుండా మహిళలనూ, ముసలి వాళ్ళనూ, పసిపిల్లలనూ వధించారు.
జనవరి 1968 లో ఉత్తర వియత్నాం గొరిల్లాలు కాంగ్ నై(Quang Ngai) మీద దాడి చేసి దక్షిణ వియత్నాం మిలటరీ ఆఫీసర్ల ఇళ్ళమీద పడ్డారు. వాళ్ళ కుటుంబాలను చంపారు. మిలటరీ గూడాచారులు గొరిల్లాలు వెళ్ళి సాంగ్ మీ అనే వూరులో దాక్కున్నారని సమాచారం ఇచ్చారు. సాంగ్ మీ అనే వూరులో నాలుగిళ్ళను గుర్తించి అందులో దాక్కున్నారని చెప్పారు. అంతకు ముందు వియత్నం గొరిల్లాల దాడిలో నష్టపోయిన అమెరికా సైనికులు ఆ గుడెసెలమీద దాడిచేయాలని నిర్ణయించుకున్నారు. ఉదయం 7 గంటల తర్వాత అందరూ బయటకు పనులకు వెల్తారనీ ఆ తర్వాత గుడిసెల్లో ఎవరున్నా వారు గొరిల్లాలో లేక వారి సానుభూతిపరులో అయివుంటారనీ వాళ్ళ నాయకుడు వూహించి 7 గంటల తర్వాత దాడి చేసి కనిపించిన అందరినీ చంపేయమన్నాడు. మరెందుకో ఆయనకు పసిపిల్లలు, వృద్దుల మాట గుర్తుకు రాలేదు.
ఊచకోత

మర్నాటి వుదయమే మార్చి16, 1968న అమెరికన్ సైనికులు ఆ వూరిమీద విరుచుకు పడ్డారు. అక్కడ వీరికి గొరిల్లాలు ఎవరూ కనిపించలేదు. అయినా వాళ్ళు గొరిల్లాల అచూకి చెప్పమని వేధించి కాల్చి చంపారు. ఆడవారు, పిల్లలూ, వృద్దులు అందరినీ వూరిబయట గోతుల వద్దకు నడిపించి ఆటోమాటిక్ గన్స్‌తో కాల్చి చంపారు. ఇది ఇంకా కొనసాగేదే ఒక ధైర్యవంతుడైన హెలికాప్టర్ పైలట్ దీన్ని చూడకపోయివుంటే!

గజల్స్ వినండి

తేది:December 1, 2006 వర్గం:వర్గీకరింపబడనివి రచన:charasala 1,835 views

పరుల కోసం పాటుపడని…

ఏవో ఏవో భాధలు…

 నా హృదయం చలించి పోగానె…

ఆత్మలను పలికించేదే…

ఎంత చీకటి కాల్చెనో…

మరణం నన్ను వరించి వస్తే…

సాద్యపరిచిన సుధాకర్ మరియు రవి వైజాసత్య లకు కృతజ్ఞతలతో.

 –ప్రసాద్